Pilot, ailəsini kiçik təyyarə ilə gəzintiyə çıxardı - qorxu dolu anlara səbəb oldu - VİDEO

ABŞ-da (yer adı qeyd olunmayıb) bir pilot ailəsini kiçik təyyarə ilə gəzintiyə çıxararkən havada gözlənilməz anlar yaşanıb.

Sonxeber.az türk mediasına istinadən xəbər verir ki, uçuş zamanı pilotun qəfil manevr etməsi nəticəsində təyyarə içərisində cazibə qüvvəsi qısa müddətlik sıfıra enib.

Hadisə zamanı təyyarənin arxa oturacağında yatan ailə üzvləri, qəfil manevra ilə təyyarənin düşməyə başladığını zənn edərək qorxu içində oyanıblar. Qısa müddətlik cazibə qüvvəsinin sıfıra düşdüyü anlarda ailə üzvləri yuxuda olduqları halda yuxarı qalxaraq havada asılı vəziyyətə düşüblər.

Təyyarə içində quraşdırılmış kamera həmin anları lentə alıb. Kadrlarda ailə üzvlərinin qorxu dolu reaksiyaları və ağırlıqsızlıq səbəbindən tavana doğru qalxmaları aydın şəkildə görünür.

Pilotun təhlükəsiz şəkildə təyyarəni idarə etməyə davam etdiyi, hadisə nəticəsində hər hansı xəsarət alanın olmadığı bildirilib.

Görüntülər sosial şəbəkələrdə sürətlə yayılaraq böyük maraq doğurub.

Telegramda izləyin