Canlı balığı udan kişinin görüntüləri sosial şəbəkədə gündəm oldu - VİDEO

Sosial mediada yayılan bir video qısa zamanda böyük maraq doğurub.

Sonxeber.az türk mediasına istinadən xəbər verir ki, görüntülərdə bir kişinin dostunun təkidi ilə canlı balığı udmağa çalışdığı anlar yer alıb. Hadisə zamanı nəfəs almaqda çətinlik çəkən və panikaya düşən kişinin görüntüləri izləyicilər tərəfindən həm təəccüblə, həm də gülüşlə qarşılanıb.

Məlumata görə, hadisə dost məclisində baş verib. Videoda kişinin dostunun israrı ilə əlinə aldığı balığı diri-diri udduğu və dərhal sonra boğulma təhlükəsi keçirdiyi görünür.

Kadrlar qısa müddətdə minlərlə dəfə izlənilib və istifadəçilər tərəfindən müxtəlif şərhlər yazılıb. Bəziləri hadisəni məsuliyyətsiz davranış adlandırsa da, digərləri gülməli rəylər yazıblar.

İzləyicilərin bəziləri videonun altına "Orqanik kolonoskopiya", "Yəqin tezliklə mədəsində çoxalmağa başlayar", "İçində balıqlar üzür artıq" kimi zarafatlı şərhlər yazıblar.

Video hazırda sosial şəbəkələrdə ən çox paylaşılan görüntülərdən birinə çevrilib.

Telegramda izləyin