"Seyri Beauty"də saxta kosmetoloq iddiası – müştəri: "Anamın dodaqlarını yanlış texnika ilə korladı" - ŞİKAYƏT

Saytımıza "Seyri Beauty" adlı gözəllik mərkəzi ilə bağlı şikayət daxil olub.

Sonxeber.az -a şikayətini ünvanlayan Aytən Əsgərova iddialara edir ki, mərkəzin 28 May filialında diplomsuz, saxta kosmetoloq fəaliyyət göstərir.

Şikayətçi qadın bildirib ki, anasının dodaqlarına edilən prosedur səhv texnika ilə aparıldığı üçün uğursuz nəticə verib:

"Anamın dodaqlarını yanlış texnika ilə bərbad günə qoydu.Anam ucuz olduğu üçün araşdırmadan ora gedib. Yazıq qadını orada ağrıdan ağlatdılar. Dolğunun hamısı bığ nahiyəsinə vurulmuşdu. Nəticədə dodaqlar ördək dodağı kimi görünürdü. Dolğunu çıxartmaq üçün gedəndə diplomunu göstərməsini istədim, amma əsəbi şəkildə üstümə qışqıraraq ‘çıxın çölə, mən heç kimə diplom göstərmirəm’ dedi.
Şikayətdə adı çəkilən şəxsin Əhmədova Gülnar adlı kosmetoloq olduğu bildirilir.

Məsələ ilə bağlı gözəllik mərkəzi ilə əlaqə saxladıq, lakin hələlik hər hansı açıqlama verilməyib.

Telegramda izləyin