İki qonşu ailə arasında silahlı dava: Uşaqlar qorxudan görün harda gizləndi - VIDEO

Türkiyənin Şanlıurfa şəhərində iki qonşu ailə arasında baş verən dava ciddi insidentlə nəticələnib.

Sonxeber.az türk mediasına istinadən xəbər verir ki, insident axşam saatlarında Eyüpkent məhəlləsində baş verib. Hələlik naməlum səbəbdən başlayan mübahisə qısa zamanda böyüyərək hər iki ailənin digər üzvlərinin də qoşulması ilə davaya çevrilib. Dava zamanı qadın və uşaqların da hadisə yerində olduğu bildirilir.

Əraziyə çağırılan polis əməkdaşları kütləvi davaya müdaxilə edərək tərəfləri ayırıb. Yaralanan 6 nəfər şəhər xəstəxanalarına yerləşdirilib.

Hadisə mobil telefon kamerası ilə də lentə alınıb. Kadrlarda insanların bir-birinə daş və dəyənəklərlə hücum etdiyi, iki azyaşlı uşağın isə qorunmaq üçün elektrik şitinin arxasına sığındığı görünür.

Polis ərazidə geniş təhlükəsizlik tədbirləri görüb və davada iştirak edən şəxslərin müəyyən olunaraq saxlanılması istiqamətində araşdırmalara başlayıb.

Hadisə ilə bağlı istintaq davam edir.

Telegramda izləyin