Magistral yolda iki qrup arasında dava – biri elektrikli mişarla hücum etdi - VİDEO

İstanbulun Ümraniyə rayonunda TEM magistral yolunun ortasında iki qrup arasında baş verən dava sürücülər arasında qorxu dolu anlara səbəb olub.

Sonxeber.az türk mediasına istinadən xəbər verir ki, hadisə zamanı əlində elektrikli mişar olan bir şəxs qarşı tərəfə hücum etməyə çalışıb, lakin digər qrup tərəfindən taxta zərbələri ilə zərərsizləşdirilib.

Məlumata görə, hadisə Ümraniyə ərazisində, hələ müəyyən olunmayan səbəbdən başlayan mübahisə nəticəsində baş verib. Qısa müddət ərzində qarşıdurmaya çevrilən mübahisə zamanı iştirakçılardan biri əlindəki elektrikli mişarla qarşı tərəfə yönəlib. Lakin hücum cəhdi çox çəkməyib – qarşı tərəf onun əlindən mişarı alaraq taxta ilə döyüb.

Bütün hadisə bir avtomobil sürücüsü tərəfindən mobil telefon kamerası ilə saniyə-saniyə qeydə alınıb və görüntülər sosial mediada geniş rezonans doğurub.

Telegramda izləyin