Nikah mərasimində həyəcanlanan gəlin valideynlərinin adını unutdu - VİDEO

Türkiyədə keçirilən bir nikah mərasimində yaşanan maraqlı hadisə sosial şəbəkələrdə gündəm olub.

Sonxeber.az türk mediasına istinadən xəbər verir ki, gənc bir gəlin nikah məmurunun "Ananızın və atanızın adını deyə bilərsinizmi?" sualına cavab verərkən həyəcanına yenik düşüb və öz valideynlərinin adını xatırlaya bilməyib.

Qısa müddətli çaşqınlıq yaşayan gəlin gülümsəyərək "Unutdum" cavabını verib. Bu an salondakı qonaqların və bəyin gülüşünə səbəb olub. Nikah məmuru isə vəziyyəti zarafatla yüngülləşdirib.

O anlar mərasimdə iştirak edən qonaqlardan biri tərəfindən mobil telefon kamerası ilə qeydə alınıb və görüntülər qısa zamanda milyonlarla baxış toplayıb. Sosial media istifadəçiləri gəlinin həyəcanını simpatiya ilə qarşılayaraq "Həqiqətən aşiq olub, dünyanı unutmuş", "Bu qədər şirin unutqanlıq ancaq sevgidən ola bilər" kimi şərhlər yazıblar.

Telegramda izləyin