Məzarlıqda qan donduran hadisə! Görən kimi yandırdı

Diyarbəkirin Bağlar rayonunda maraqlı və bir o qədər də müəmmalı hadisə baş verib.

Sonxeber.az türk mediasına istinadən xəbər verir ki, Yeniköy qəbiristanlığında məzar qazıntısı aparan Barış Karabulut torpaq altında kəfənə bükülmüş bir oyuncaq körpə tapıb.

Karabulutun sözlərinə görə, o, bundan əvvəl də qazdığı bəzi məzarlarda cadugərliklə bağlı olduğunu düşündüyü müxtəlif əşyalar — qadın fiqurları, qaşıqlar, quzu başları və qutuların içərisində gizlədilmiş obyektlərlə qarşılaşıb. Lakin bu dəfəki mənzərə onu xüsusilə təəccübləndirib.

Tapdığı oyuncağı diqqətlə araşdıran Karabulut, onun üzərindəki ip və parça qalıqlarını kəsərək yandırıb. O, bunun "böyük ehtimalla bir növ sehr və ya cadu ayini ilə bağlı" olduğunu bildirib.

Hadisə bölgə sakinləri arasında maraq və narahatlıq yaradıb.

Hazırda məsələ ilə bağlı araşdırma aparıldığı bildirilir.

Telegramda izləyin