Sərnişin taksi sürücüsünə hücum etdi - VİDEO

İzmir şəhərində bir taksi sürücüsü, avtomobilinə mindirdiyi sərnişinin fiziki hücumuna məruz qalıb.

Sonxeber.az türk mediasına istinadən xəbər verir ki, hadisə taksidə quraşdırılmış təhlükəsizlik kamerası tərəfindən anbaan qeydə alınıb.

Görüntülərdə sərnişin mövqeyində olan şəxsin sürücüyə dəfələrlə yumruq vurduğu və təhqiramiz ifadələr işlətdiyi, sürücünün isə qarşıdurma zamanı özünü müdafiə etməyə çalışdığı əks olunur. Hadisə nəticəsində taksi sürücüsünün burnu qanayıb.

Kadrların sosial mediada yayılmasının ardından polis əməkdaşları dərhal araşdırmaya başlayıblar. Şəxsiyyəti müəyyən edilən hücumçu qısa müddətdə saxlanılaraq polis şöbəsinə aparılıb. Əməliyyatların tamamlanmasından sonra o, məhkəməyə çıxarılaraq həbs edilib.

Hadisə ilə bağlı araşdırmaların davam etdiyi bildirilib.

Telegramda izləyin