Bir qadın günü-gündən artan yaşayış xərclərinə etiraz olaraq maşın yolunun ortasına uzanıb - VİDEO

İzmir şəhərində bir qadın artan həyat bahalılığına diqqət çəkmək üçün qeyri-adi etiraz aksiyası keçirib.

Sonxeber.az türk mediasına istinadən xəbər verir ki, hadisə şəhərin ən sıx nəqliyyat hərəkəti olan bölgələrindən birində baş verib. Qadın avtomobillərin hərəkət etdiyi yolun ortasına uzanaraq bahalaşmaya etiraz edib.

Hadisə şahidlərinin mobil telefonla çəkdiyi görüntülərdə qadının bir müddət yerindən qalxmadığı, sürücülərin isə vəziyyəti təəccüb və narahatlıqla izlədiyi görünür. Hadisə qısa müddətdə sosial şəbəkələrdə yayılaraq geniş müzakirələrə səbəb olub.

Məlumata görə, etiraz zamanı qadına müdaxilə edilməyib və o, bir müddət sonra öz istəyi ilə yerdən qalxaraq ərazidən uzaqlaşıb.

Qadının bu addımı cəmiyyətdə artan yaşayış xərclərinə dair diqqət çəkmək məqsədi daşıdığı bildirilir.

Telegramda izləyin