İş yerinə gəlib tüfənglə atəş açdı: 12 yaralı var

Türkiyənin Konya şəhərində bir şəxs ov tüfəngi ilə bir iş yerinin qarşısında təsadüfi şəkildə atəş açıb. Hadisə nəticəsində 12 nəfər yaralanıb, 3 nəfər isə polis tərəfindən saxlanılıb.

Sonxeber.az türk mediasına istinadən xəbər verir ki, hadisə axşam saatlarında şəhərin Selçuklu rayonunun Horozluhan məhəlləsində, Bezirgan küçəsində yerləşən avtomobil təmir-servisində baş verib. Məlumata görə, hadisə yerinə gələn şəxs yanında gətirdiyi ov tüfəngi ilə ətrafa atəş açıb.

Tüfəngdən çıxan güllələr nəticəsində ərazidə olan 12 nəfər bədənlərinin müxtəlif nahiyələrindən yaralanıb. Xəbər verildikdən sonra hadisə yerinə çox sayda təcili tibbi yardım və polis əməkdaşı göndərilib.

Tibb işçilərinin ilkin yardımından sonra yaralılar şəhərin müxtəlif xəstəxanalarına yerləşdirilib. Polis hadisə ilə bağlı genişmiqyaslı araşdırma aparır, 3 nəfər istintaq çərçivəsində saxlanılıb.

Telegramda izləyin