Kafe işçisi ondan pul istəyən qohumunu ov tüfəngi ilə vurub

Adananın Seyhan rayonunda yerləşən bir kafedə çalışan Ş.S., yanına gələrək ondan pul istəyən qohumu A.K. ilə mübahisə edib.

Sonxeber.az türk mediasına istinadən xəbər verir ki, hadisə Mavi Bulvar üzərindəki kafedə baş verib. Məlumata görə, 41 yaşlı A.K., 51 yaşlı Ş.S.-nin yanına gələrək ondan maddi yardım istəyib. Ş.S. pul verməkdən imtina etdikdə tərəflər arasında mübahisə şiddətlənib və nəticədə Ş.S. qohumunu ov tüfəngi ilə yaralayıb.

Hadisə ilə bağlı edilən müraciət üzərinə polis və təcili tibbi yardım qrupları əraziyə cəlb olunub. Yaralı A.K. xəstəxanaya aparılaraq müalicəyə alınıb. Şübhəli Ş.S. isə hadisədən qısa müddət sonra silahı ilə birlikdə polis tərəfindən saxlanılaraq nəzarətə götürülüb.

Hadisə ilə bağlı araşdırma davam edir.

Telegramda izləyin