Gənc qadının qarnı 2 ayda 9 aylıq hamilə kimi böyüdü, həkimlər əməliyyata aldı

Amasyada qarınının cəmi 2 ay ərzində 9 aylıq hamilə kimi böyüməsi ilə xəstəxanaya müraciət edən qadının bədənindən 8,5 kiloqramlıq şiş çıxarıldı.

Sonxeber.az türk mediasına istinadən xəbər verir ki, Amasyanın Göynücek rayonunda kənd təsərrüfatı ilə məşğul olan Şule Akgülün qarnı cəmi 2 ay ərzində sürətlə böyüməyə başladı. Evli və 3 uşaq anası olan qadın, 9 aylıq hamilə kimi görsəndiyi, nəfəs almaqda çətinlik çəkdiyi üçün Amasya Universiteti Sabuncuoğlu Şərəfəddin Təhsil və Araşdırma Xəstəxanasına müraciət etdi. Aparılan müayinələr zamanı qarın boşluğunu tamamilə dolduran böyük bir kütlə aşkar olundu və təcili əməliyyat qərarı verildi.

Qadın Xəstəlikləri və Doğum üzrə mütəxəssis Prof. Dr. Osman Fadıl Kara və komandası tərəfindən həyata keçirilən uğurlu əməliyyat nəticəsində 38 yaşlı qadının qarnından 30 santimetr diametrində, 8,5 kiloqram ağırlığında şiş çıxarıldı.

Sağlamlığına qovuşan Akgül dedi: "Qarnımdakı şişkinlik səbəbindən 2 ay ərzində 9 aylıq hamilə kimi oldum. Qorxduğum üçün xəstəxanaya gələ bilmirdim. Nəfəs almaqda çətinlik çəkirdim, əyilib-düzələ bilmirdim. İndi isə sağlamam".

Telegramda izləyin