Məscidin həyətindəki oturacaqda kişi meyiti tapılıb

Antalyanın Alanya rayonunda məscid həyətindəki oturacaqda hərəkətsiz halda görülən 43 yaşlı Bayram Akçanın həyatını itirdiyi müəyyən edilib.

Sonxeber.az türk mediasına istinadən xəbər verir ki, hadisə saat 15:45 radələrində Alanyanın Saray məhəlləsində, Galatasaray küçəsində yerləşən Çelikler məscidinin həyətində baş verib. Məscid həyətində oturacaqda hərəkətsiz yatan şəxsi görən vətəndaşlar vəziyyəti 112 Təcili Zəng Mərkəzinə bildiriblər.

Əraziyə polis və təcili tibbi yardım əməkdaşları cəlb olunub. Sağlıq qrupları tərəfindən aparılan yoxlama zamanı həmin şəxsin Bayram Akça olduğu və artıq həyatını itirdiyi təsdiqlənib.

Bayram Akçanın ürək tutması nəticəsində öldüyü ehtimal edilir.

Mərhumun cənazəsi dəqiq ölüm səbəbinin müəyyən edilməsi üçün Alanya Məhkəmə-Tibbi Ekspertiza morquna aparılıb.

Telegramda izləyin