İtkin düşən ana və oğlunun meyitləri quzğunlar sayəsində tapıldı

Kastamonunun Bozkurt rayonunda 43 yaşlı Huriye Helvacı və onun 5 yaşlı oğlu Osman Helvacı evlərindən çıxdıqdan sonra itib.

Sonxeber.az türk mediasına istinadən xəbər verir ki, onların tapılması üçün AFAD, UMKE, Jandarma Axtarış-Qurtarma (JAK), xüsusi təlim keçmiş itlər və komandolardan ibarət təxminən 200 nəfərlik axtarış qrupu 9 gün boyunca genişmiqyaslı axtarış aparıb.

Axtarışların nəticəsində əvvəlcə kiçik Osmanın meyiti çay yatağında aşkar edilib. Daha sonra ananı axtaran qruplar, könüllülərin diqqət yetirdiyi mühüm bir detal sayəsində ikinci acı xəbəri alıblar.

Belə ki, bölgədə axtarış aparan vətəndaşlar bir neçə quzğun quşunun müəyyən bir nöqtə üzərində dövrə vurub eniş etdiyini müşahidə ediblər. Bu istiqaməti izləyən axtarış qrupları, azyaşlının tapıldığı yerə yaxın meşəlik sahədə, bir ağacın dibində ananın cansız bədənini tapıblar.

Meyitlər araşdırılma üçün tibbi ekspertizaya aparılıb.

Hadisə ilə bağlı istintaq davam edir.

Telegramda izləyin