Balıqçılar tutduqları balıqları camaata pulsuz payladılar! Səbəb çox maraqlıdır -VİDEO

Paşalimanı Adasında balıqçılıqla məşğul olan sakinlər, satış qiymətlərinin aşağı olmasına etiraz edərək tutduqları balığı kənd sakinlərinə pulsuz paylayıblar.

Sonxeber.az türk mediasına istinadən xəbər verir ki, balıqçılar bildiriblər ki, tutduqları balığın 15 kiloqramlıq qutusu onlardan 300–500 lirəyə alınır, lakin həmin balıq bazarda kilosu 200 lirəyə satışa çıxarılır.

Gəlirini balıqçılıqdan əldə edən sakinlər bu qiymət siyasətinə etiraz olaraq qutularla təzə balığı camaata heç bir ödəniş olmadan paylayıblar. Onlar topdan satışla məşğul olanların yaratdığı böyük qiymət fərqinə diqqət çəkərək belə deyiblər:

"Balıqlar hazırda satılmır, tələbat yoxdur. Biz də camaata pulsuz veririk. Biz balıq tutanda 15 kiloluq qutunu 300–500 lirəyə bizdən alırlar, amma kilosunu 200 lirəyə satırlar."

Balıqçılar tərəfindən gətirilən qutular dolusu təzə balıq qısa müddətdə ada sakinlərinə ödənişsiz çatdırılıb.

Telegramda izləyin