Boşandığı qadının keçmiş ərini öldürüb, daha sonra özünü silahla vurdu

İstanbulun Sultangazi rayonunda baş verən hadisə faciə ilə nəticələnib. Boşandığı həyat yoldaşı Hatice K. və onun keçmiş əri Salih B.-ni izləyən Erdoğan A., üzərindəki silahla Salih B.-ni vurub, daha sonra həmin silahla özünə atəş edib.

Sonxeber.az türk mediasına istinadən xəbər verir ki, hadisə saat 19:00 radələrində Sultançiftliyi məhəlləsi, Ordu küçəsində baş verib. Məlumata görə, Salih B. ilə evləndikdən bir müddət sonra ondan boşanan Hatice K. daha sonra Erdoğan A. ilə ailə qurub. Lakin bu evlilik də qarşılıqlı razılıqla bitib. Bundan sonra Hatice K. ilk əri Salih B. ilə barışaraq yenidən birlikdə yaşamağa başlayıb. Bu vəziyyətdən xəbər tutan Erdoğan A., cütlüyün alış-veriş etdiyi zaman Salih B.-ni silahla vurub, ardınca eyni silahla özünə atəş edib.

Hadisə yerinə çağırılan təcili tibbi yardım və polis əməkdaşları yaralılara ilkin müdaxiləni edib və onları xəstəxanaya çatdırıblar. Həkimlərin səylərinə baxmayaraq Salih B. həyatını itirib. Erdoğan A.-nın isə hələ də həyati təhlükəsinin davam etdiyi bildirilir.

Polis tərəfindən aparılan araşdırmada Salih B.-nin 4, Erdoğan A.-nın isə 3 dəfə məhkumluq qeydinin olduğu müəyyən edilib.

Faktla bağlı istintaq davam edir.

Telegramda izləyin