Bu kəndlərə yerləşənlərə 20 000 manat pul veriləcək

Yunanıstan fevral ayında qəbul etdiyi yeni proqramı tətbiq etməyə hazırlaşır. Uzun müddətdir Qərbi Trakya bölgəsində azalan əhalini artırmağı hədəfləyən proqram çərçivəsində ölkə addımlarını sürətləndirir.

Sonxeber.az xəbər verir ki, Yunan Parlamentində qəbul edilən qərara əsasən, Edirnəyə qonşu bölgələrdə yaşayışın canlandırılması üçün hökumət dəstək ödənişləri təqdim etməyə başlayıb. Meriç çayı boyunca yerləşən kəndlərə köçən vətəndaşlara 10 min avro, yəni təxminən 20 000 manat ödəmə veriləcəyi açıqlanıb.

Dəstək proqramına görə:

Əhalisi 500-dən çox olan yaşayış məntəqələrinə köçənlərə 6 min avro veriləcək.

Ailədə olan hər bir uşaq üçün əlavə 1 min avro ödənəcək.

Ümumi dəstək məbləği 10 min avroya qədər, yəni təxminən 20 000 manata qədər yüksələ biləcək.

Layihə çərçivəsində əhalinin yerləşdirilməsi planlaşdırılan nümunə kəndlərin adları da açıqlanıb. Türk icmasının aktiv şəkildə yaşadığı bu kəndlər Meriç çayının yerləşdiyi Evros bölgəsindəki sərhəd xəttində yerləşir. Proqrama daxil edilən kəndlər bunlardır:

Sofulu (Soufli)

Kumçiftliyi (Orestiada)

Dimetoka (Didymoteicho)

Yunanıstanın bu təşviqlə bölgədə həm sosial, həm də iqtisadi həyatın canlanmasını hədəflədiyi bildirilir.

Telegramda izləyin