Kuryer küçənin ortasında silahla vuruldu

İstanbulun Merter məhəlləsində baş verən silahlı insident sosial mediada böyük reaksiyaya səbəb olub.

Sonxeber.az türk mediasına istinadən xəbər verir ki, hadisə zamanı bir şəxs, özünü bıçaqla qorumağa çalışan kuryeri silahla ayağından vurub.

İddiaya görə, tərəflər arasında başlayan mübahisə qısa müddətdə şiddətlənib. Sosial şəbəkələrdə yayılan görüntülərdə hücum edən şəxsin belindən çıxardığı silahla kuryerə atəş açdığı aydın görünür. Güllə yarası alan şəxsin yerə yıxıldığı və ətrafdakılar arasında panika yarandığı kadrlara əks olunub.

Hadisədən sonra silahlı şəxs sürətlə ərazidən uzaqlaşıb. Yaralı isə ətrafdakıların köməyi ilə xəstəxanaya çatdırılıb. Onun səhhəti ilə bağlı hələlik rəsmi açıqlama verilməyib.

İnsidentlə bağlı araşdırma davam edir.

Telegramda izləyin