Bir kişi qonşusu qadını öldürüb intihar etdi

Edirnənin Enez rayonunda dəhşətli hadisə baş verib.

Sonxeber.az türk mediasına istinadən xəbər verir ki, bir kişi binanın dəhlizində qarşılaşdığı qadın qonşusunu silahla vuraraq öldürüb, daha sonra isə intihar edib.

Hadisə yaşanan Enezdə, həyat yoldaşı ilə birlikdə məhəllədəki mənzillərdə yaşayan 68 yaşlı Türkan Demirci axşam saatlarında dəhlizə çıxdığı anda onu gözləyən 70 yaşlı Cemali Sönməzin qarşısına çıxıb. Sönməz, Demircini görən kimi silahla onun başına atəş açıb. Daha sonra binanın həyətinə düşərək eyni silahı bu dəfə öz başına doğruldub və atəş edərək həyatına son qoyub.

Atəş səslərini eşidən bina sakinləri çaxnaşma içində çölə çıxıblar. Onların xəbəri üzərinə hadisə yerinə jandarma, təcili yardım və yanğınsöndürmə qrupları cəlb edilib. Təcili tibbi yardım əməkdaşlarının araşdırması nəticəsində hər iki şəxsin hadisə yerində dünyasını dəyişdiyi müəyyən olunub.

Hadisə ilə bağlı geniş araşdırma başlanıb.

Telegramda izləyin