Vətəndaşlar üsyan etdi! Kranlardan niyə palçıqlı su axır?

İstanbulun Ümraniyə rayonunda təxminən iki ay ərzində kranlardan kirli suyun axması sakinlərin ciddi narazılığına səbəb olub.

Sonxeber.az türk mediasına istinadən xəbər verir ki, uzun müddət davam edən su kəsintilərinin ardından verilən suyun bulanıq gəlməsi vətəndaşların etirazına yol açıb.

Sakinlərdən biri vəziyyəti telefonla çəkərək sosial şəbəkələrdə paylaşıb və problemin tez bir zamanda həll olunmasını tələb edib.

Məsələ ilə bağlı İstanbul Su və Kanalizasiya İdarəsi (İSKİ) açıqlama yayıb. Açıqlamada bildirilib ki, Ömərli İçməli Su Təmizləmə Qurğusu ilə Çamlıca Deposu arasındakı isale xətlərində aparılan əməliyyat işləri səbəbindən həmin xətlərdən su alan abonentlərin su rəngində müvəqqəti bulanıqlıq müşahidə olunub.

İSKİ-nin məlumatında deyilir:
"Ömərli İçməli Su Təmizləmə Tesisi ilə Çamlıca Depo arasındakı isale xətlərində həyata keçirilən işlər səbəbindən bəzi abonentlərimizin su rəngində müvəqqəti bulanıqlıq baş vermişdir. Əlaqədar qruplarımız sahədə lazımi boşaltma işlərini icra edir və qısa müddət ərzində xətlərimizdəki suyun keyfiyyətinin normala dönməsi gözlənilir. Su rəngində yaranan bu bulanıqlıq insan sağlamlığı üçün heç bir təhlükə yaratmır."

Qurum yaxın vaxtlarda problemin tam aradan qaldırılacağını bildirib.

Telegramda izləyin