Eduard Məmmədov Əbu-Dabidə keçirilən dünya çempionatında iki qızıl medal qazandı

Azərbaycan Respublikası Daxili İşlər Nazirliyinin İdman Cəmiyyətinin İdman-təlim şöbəsinin rəisi, polis polkovnik-leytenantı, Azərbaycan Kikboksinq Federasiyasının vitse-prezidenti, dəfələrlə Dünya və Avropa çempionu Eduard Məmmədov 21–30 noyabr tarixlərində Birləşmiş Ərəb Əmirliklərinin Əbu-Dabi şəhərində keçirilən Kikboksinqin WAKO versiyası üzrə Dünya çempionatında "Master Class" kateqoriyasında, 63 kq çəki dərəcəsində iki versiyada çıxış edərək iki qızıl medal qazanıb.

Sonxeber.az xəbər verir ki, O, Light Contact növündə Böyük Britaniyadan Singh Gurmare, Portuqaliyadan Cortes Emanuel, İtaliyadan Sgro Simone Calogero üzərində, Kick Light növündə isə İsveçdən Ahlvarsson Ola, Kanadadan Gallant Benjamin və İtaliyadan Sgro Simone Calogero üzərində qələbə qazanaraq, ümumilikdə WAKO üzrə 10-cu dəfə Dünya çempionu olub:

"Eduard Məmmədov bu qələbəsini şəhidlərimizə həsr edib:
"Bu qələbəmi şəhidlərimizə həsr edirəm. Allah şəhidlərimizə rəhmət etsin, qazilərimizə can sağlığı versin."

İdmançı Suraxanı Rayon İcra Hakimiyyətinin başçısı, Azərbaycan Kikboksinq Federasiyasının fəxri prezidenti cənab Adil Əliyevə, Federasiyanın prezidenti cənab Orxan Əliyevə, həmçinin Azərbaycan Respublikasının Gənclər və İdman Nazirliyinə təşəkkürünü bildirib".

Telegramda izləyin