Kuryerdən ürək bulandıran hərəkət! Sifariş edilən toyuq parçalarını yerə salıb yenidən qutuya qoydu - VİDEO

ABŞ-ın Florida ştatında bir ailə sifariş verdikləri yeməyin çatdırılması zamanı yaşanan antihigiyenik anlarla bağlı böyük şok yaşayıb.

Sonxeber.az xarici mediaya istinadən xəbər verir ki, ailənin evinin qarşısındakı təhlükəsizlik kamerasına düşən görüntülərdə kuryerin yerə saldığı toyuq parçalarını heç nə olmamış kimi qutuya geri qoyduğu əks olunub.

Kadrlar bununla da bitmir. Görüntülərdə kuryerin paketlə məşğul olduğu anda barmaqlarını yalamasi, daha sonra isə yerə tökülən hissələri ayaqqabısının altı ilə silərək izləri təmizləməyə çalışdığı görünür. Bu davranış sosial şəbəkələrdə ciddi narazılıq yaradıb və qısa müddətdə geniş müzakirələrə səbəb olub.

Hadisəni təsadüfən kuryerin gedişindən sonra görüntülərə baxarkən görən ailə, həmin an böyük dəhşət yaşayıb və sifarişi yeməkdən dərhal imtina edib. Ailə üzvləri "Yaxşı ki, videoya yeməyə başlamamışdan əvvəl baxdıq. Yoxsa nə yediyimizi bilməyəcəkdik", – deyə açıqlama veriblər.

Hadisə ilə bağlı şirkətin məsuliyyət daşıyıb-daşımayacağı və kuryeyə hansı tədbirlərin görüləcəyi barədə hələlik məlumat verilməyib.

Telegramda izləyin