Evinə aldığı dekor, bədəninin 30 faizinin yanmasına səbəb oldu - VİDEO

İstanbulun Beykoz rayonunda yaşayan 41 yaşlı Derya Yavaş, Başakşəhərdə bir dostunun evində baş verən faciəvi hadisə nəticəsində ağır yaralanıb.

Sonxeber.az türk mediasına istinadən xəbər verir ki, hadisə axşam saatlarında yaşanıb. Yavaş və həyat yoldaşı dostlarına qonaq getdikləri zaman, 4 nəfərlik qrup daha rahat və xoş bir mühit yaratmaq üçün dekorativ kamin yandırıb. Lakin bir neçə dəqiqə sonra komin qəfil bomba kimi partlayıb.

Partlayış anında kominə yaxın olan Yavaş güclü ağrı hiss edərək yerindən sıçrayıb. Bir anda otağın alova büründüyünü deyən qadın, dostları ilə birlikdə vəziyyəti nəzarətə almağa çalışsa da, ağır yanıq xəsarətləri alıb. Əvvəl yaxınlıqdakı xəstəxanaya aparılan qadın daha sonra Başakşehir Çam və Sakura Şəhər Xəstəxanasına köçürülüb. Avropanın ən böyük Yanıq Mərkəzlərindən biri kimi tanınan bu mərkəzdə aparılan müayinələr nəticəsində Yavaşın qarın və qol bölgələrində ciddi yanıq izləri olduğu və bədəninin 30 faizinin zədələndiyi müəyyən edilib.

Yavaşın həyat yoldaşı və dostlarının hadisəni yüngül yanıq xəsarətləri ilə atlatdığı bildirilib. Qadın baş verənləri danışarkən, Yanıq Müalicə Mərkəzinin rəhbəri, ümumi cərrahiyə üzrə mütəxəssis Prof. Dr. Mustafa Turan xəstənin vəziyyəti ilə bağlı məlumat verib və yanıq hallarında görülməli olan təcili tədbirlərdən danışıb.

Partlayışdan sonra yanan mebellərin və otağın vəziyyətini əks etdirən şəkillər, həmçinin həmin evdə daha əvvəl iki kominin birlikdə yandığı anlara aid görüntülər sosial mediada geniş müzakirələrə səbəb olub.

Hadisə araşdırılır.

Telegramda izləyin