"Messi olmaq istəmirəm" - Lamin Yamal

İspaniya yığmasının və "Barselona"nın gənc ulduzu Lamin Yamal maraqlı açıqlamalar verib.

"Qafqazinfo"nun məlumatına görə, CBS kanalına danışan 18 yaşlı oyunçu katalonların sabiq ulduzu Lionel Messi ilə müqayisə olunmasına mübasibət bildirib.

"O, tarixin ən yaxşısıdır. Hər ikimiz bilirik ki, mən Messi olmaq istəmirəm. Mən öz yolumla getmək istəyirəm və bu qədər", - Yamal söyləyib.

Futbolçu 18 yaşlı gənc kimi yaşaya bilmədiyini də deyib: "Həqiqət budur ki, ətrafımda hər şey fəqlidir. 18 yaşlı bir oğlan məktəbdən çıxır və evə gedir. Mən isə məşqə gedirəm. Dörd paparatsi evimin qarşısında dayanıb həyatımla bağlı suallar verir. Televizoru yandırıram və özümü görürəm. Küçədə gəzirəm və formamı geyinmiş bir uşaq qarşıma çıxır. Çölə çıxıb içki içmək istəyirəm, amma gedə bilmirəm, çünki insanlar məni izləyəcəklər, videoya çəkəcəklər. Amma bu mənim ulduz olmağıma mane olmur. Dürüst desəm, bu, xoşuma gəlir".

Telegramda izləyin