Eyni ailədən iki nəfər ağır yol qəzasında həyatını itirib - VİDEO

Burdurda sürücünün sükan idarəetməsini itirməsi ağır yol-nəqliyyat hadisəsinə səbəb olub.

Sonxeber.az türk mediasına istinadən xəbər verir ki, 07 L 9130 dövlət nömrə nişanlı avtomobil idarəetmədən çıxaraq qarşı zolağa keçib və A.A.-nın sürdüyü panelvana, eləcə də Orçun V.-nin idarə etdiyi digər avtomobilə çırpılıb.

Qəza nəticəsində avtomobilin sürücüsü Savaş Toktaşer (35), eyni maşında olan Erkan Toktaşer (24) və H.T. (16) ağır xəsarət alıb. Panelvan sürücüsü A.A. və sərnişin H.T. də yaralanıb.

Hadisə yerinə çox sayda polis, təcili tibbi yardım və yanğınsöndürən cəlb olunub. Avtomobildə sıxışan yaralılar yanğınsöndürənlərin uzun səyləri nəticəsində çıxarılıb və xəstəxanaya aparılıb.

Hadisə yerində tibbi personal tərəfindən uzun müddət ürək masajı edilən Savaş Toktaşer və Erkan Toktaşer, Burdur Dövlət Xəstəxanasında aparılan bütün müdaxilələrə baxmayaraq həyatını itirib.

Qəzanı xəsarət almadan keçirən Orçun V. hadisə anını belə təsvir edib: "Bir anda avtomobil üstümüzə uçdu. Roket kimi gəldi, nə baş verdiyini anlamadıq".

Faktla bağlı araşdırma aparılır.

Telegramda izləyin