4 uşaq anası evində qətlə yetirildi

Gaziantepin İslahiye rayonunun Yeşilyurt kəndində səhər saatlarında dəhşətli hadisə baş verib.

Sonxeber.az türk mediasına istinadən xəbər verir ki, iddiaya görə, ailədaxili problemlər yaşayan və bu səbəbdən evdən qaçaraq Kayseriyə gedən, 4 uşaq anası Ayşə Kaplan (40) ilə onu geri evə gətirən əri Osman Kaplan (45) arasında mübahisə yaranıb.

Böyüyən mübahisə zamanı Osman Kaplan həyat yoldaşı Ayşə Kaplanı ov tüfəngi ilə vurub. Hadisədən sonra o, yaxınlarına xəbər verərək jandarmaya məlumat çatdırılmasını istəyib. Yaxınları tərəfindən 112-yə edilən zəngdən sonra əraziyə jandarma və təcili tibbi yardım əməkdaşları cəlb olunub.

Hadisə yerinə çatan tibb heyətinin apardığı yoxlamada Ayşə Kaplanın başından aldığı güllə yarası səbəbilə həyatını itirdiyi müəyyən edilib.

Meyit hadisə yerində aparılan ilkin araşdırmalardan sonra Gaziantep Ədli Tibb Qurumunun morquna aparılıb. Cinayət törətməkdə şübhəli bilinən Osman Kaplan isə jandarma tərəfindən saxlanılıb.

Hadisə ilə bağlı genişmiqyaslı istintaq başlayıb.

Telegramda izləyin