Sürücülük vəsiqəsi olmayan şəxsin vurduğu 70 yaşlı kişi ölüb - VİDEO

Türkiyənin Sakarya şəhərinin Arifiye rayonunda sürücülük vəsiqəsi olmadığı iddia edilən sürücünün avtomobillə vurduğu 70 yaşlı kişi həyatını itirib.

Sonxeber.az türk mediasına istinadən xəbər verir ki, qəza Arifiye rayonunun Arifbey məhəlləsi ərazisində, D-100 magistral yolunun Düzcə istiqamətində, piyada keçidinə təxminən 20 metr məsafədə baş verib. İlkin məlumata görə, yolu keçməyə çalışan 70 yaşlı Hasan Şahinə 21 yaşlı M.E.Y.-nin idarə etdiyi avtomobil çırpılıb.

Hadisə barədə məlumat daxil olduqdan sonra əraziyə təcili tibbi yardım və polis əməkdaşları cəlb edilib. Sağlamlıq işçilərinin apardığı müayinələr nəticəsində Hasan Şahinin hadisə yerində həyatını itirdiyi müəyyən edilib.

Hadisə yerində aparılan baxışdan sonra yaşlı kişinin cəsədi xəstəxananın morquna aparılıb. Qəza ilə bağlı sürücü polis tərəfindən saxlanılıb. Qəza nəticəsində avtomobilin kapot hissəsinin demək olar ki, kağız kimi əzilməsi hadisənin ağırlığını açıq şəkildə göstərib.

Faktla bağlı araşdırma aparılır.

Telegramda izləyin