Türkiyədə Aleyna Tilki və bir neçə məşhur saxlanılıb

Türkiyədə bir neçə tanınmış şəxs narkotik maddələrin istifadəsi və satışında şübhəli bilinərək saxlanılıb.

Sonxeber.az türk mediasına istinadən xəbər verir ki, onlar polisin keçirdiyi əməliyyat çərçivəsində istintaqa cəlb olunublar.

Saxlanılan şəxslər arasında müğənni Aleyna Tilki, influenser Danla Bilic və aktrisalar - Mümine Senna Yıldız və İrem Sak var.

Əməliyyat çərçivəsində iş adamı Acun Ilıcalının eks-həyat yoldaşı Şeyma Subaşı haqqında da saxlanılma qərarı çıxarılıb.

Siyahıda həmçinin model Şevval Şahin, sosial media fenomeni Mert Vidinli və yutuber Cihan Şensözlünün də adı var.

Qeyd edək ki, saxlanılmaları haqqında qərar çıxarılan müğənni Yusuf Güney və aktrisa Melisa Döngel isə polisin keçirdiyi əməliyyat zamanı evlərində tapılmayıb.

Telegramda izləyin