Silahlı dava: ata öldü, oğlu və qardaşı oğlu yaralandı - VİDEO

Türkiyənin Kayseri şəhərində baş verən silahlı insidentdə bir nəfər həyatını itirib, iki nəfər isə yaralanıb.

Sonxeber.az türk mediasına istinadən xəbər verir ki, hadisə saat 15:30 radələrində Organize Sənaye Bölgəsinin 22-ci küçəsində, boş bir ərazidə qeydə alınıb. Ethem Tatlı, oğlu M.T. və qardaşı oğlu V.T. ilə aralarında ədavət olan A.S. arasında mübahisə yaranıb. Qısa müddətdə böyüyən mübahisə silahlı qarşıdurmaya çevrilib. Qarşıdurma zamanı A.S. tapança ilə atəş açaraq Ethem Tatlını, onun oğlunu və qardaşı oğlunu yaralayıb.

Aldığı güllə yarasından Ethem Tatlı hadisə yerində həyatını itirib. Onun oğlu və qardaşı oğlu isə müxtəlif dərəcəli xəsarətlər alaraq yaralanıblar. Hadisə ilə bağlı əraziyə polis və təcili tibbi yardım briqadaları cəlb olunub. Yaralılar ilkin tibbi yardımdan sonra xəstəxanaya yerləşdirilib.

Ethem Tatlının meyiti hadisə yerində aparılan baxışdan sonra Kayseri Dövlət Xəstəxanasının morquna təhvil verilib.

Hadisəni törədən və qaçan şübhəlinin saxlanılması istiqamətində polis tərəfindən əməliyyat-axtarış tədbirləri davam etdirilir.

Telegramda izləyin