Qanlı əyləncə məkanı davası - Bir şəxsin ölümü ilə bağlı 11 nəfər hakim qarşısında

Bursada əyləncə məkanında baş verən və Hakan Uyanıkın silahla vurularaq həyatını itirdiyi kütləvi dava ilə bağlı məhkəmə prosesi başlayıb.

Sonxeber.az türk mediasına istinadən xəbər verir ki, hadisə üzrə 4-ü həbsdə olmaqla, ümumilikdə 11 təqsirləndirilən şəxs hakim qarşısına çıxarılıb.

Məhkəmədə ifadə verən mərhumun atası Mehmet Şakir Uyanık emosional çıxışı ilə diqqət çəkib. O bildirib:
"Hadisə baş verən səhər xəstəxanaya getdim. Oğlumu cəsəd torbasına qoyarkən gördüm. Mən həmin gün oğluma maşın alacaqdım."

Atanın bu sözləri iclasa damğa vurub.

İstintaq materiallarına əsasən, qanlı dava "Çöldən qadın gətirmək qadağandır" ifadəsi ilə başlayan mübahisə nəticəsində baş verib.

Hadisə 10 may tarixində, səhər saat 05:00 radələrində Bursanın Nilüfer rayonunun Esentepe məhəlləsində yerləşən əyləncə məkanında qeydə alınıb. Məlumata görə, əylənmək üçün məkana gələn S.Y. (28), S.Ö. (26), E.T. (24) ilə işçilər arasında yaranan mübahisə qısa müddətdə davaya çevrilib. Döyülərək çölə çıxarılan şəxslərdən E.T. öz imkanları ilə xəstəxanaya gedib və telefonla S.Y.-nin qardaşı Melih Sefa Y.-ni (25) məlumatlandırıb.

Bundan sonra Melih Sefa Y. və dostları hadisə yerinə gəlib. Burada Melih Sefa Y., Hakan Uyanık, təhlükəsizlik əməkdaşı Berkant Alkan (20) və Emre Erdem (28) arasında yeni dava baş verib. Qarşıdurma zamanı Hakan Uyanık qarın nahiyəsindən, Melih Sefa Y. isə sağ ayağından və sol qolundan silahla yaralanıb. Ətrafdakıların köməyi ilə özəl xəstəxanaya aparılan Uyanık həyatını xilas etmək mümkün olmayıb.

Hadisə ilə bağlı 11 nəfər saxlanılıb, davadan əvvəl üç dostun məkandan çıxarıldığı anlar isə yaxınlıqdakı binanın təhlükəsizlik kamerası tərəfindən qeydə alınıb. Məhkəmə prosesi davam edir.

Telegramda izləyin