Həkim xəstəni döydü: anbaan kameraya düşən hadisə ölkədə qalmaqal yaratdı - VİDEO

Hindistanın şimalında yerləşən Şimla şəhərindəki İndira Qandi Tibb Kolleci Xəstəxanasında (IGMC) çalışan bir həkimin solunum problemi yaşayan xəstəni vəhşicəsinə döyməsi ölkə gündəmini silkələyib.

Sonxeber.az türk mediasına istinadən xəbər verir ki, Arjun Panvar adlı xəstə nəfəs darlığı şikayəti ilə xəstəxanaya müraciət edib. Bronkoskopiya prosedurundan sonra vəziyyəti pisləşən Panvar boş bir yatağa uzanıb. Bu zaman yanına gələn həkim heç bir əsas göstərmədən xəstə ilə kobud şəkildə danışmağa başlayıb və ondan yataqdan qalxmağı tələb edib. Xəstə həkimdən özünə daha hörmətli münasibət göstərilməsini istədikdə isə tərəflər arasında mübahisə yaranıb.

Panvarın sözlərinə görə, mübahisə zamanı həkim qəfil ona hücum edərək dəfələrlə yumruq zərbələri endirib. Hadisə anbaan təhlükəsizlik kameralarına düşüb. Sosial şəbəkələrdə yayılan görüntülərdə həkimin özünü qorumağa çalışan xəstəni amansızcasına döydüyü aydın görünür.

Qısa müddətdə geniş yayılmış kadrlar Hindistan ictimaiyyətində ciddi narazılıq doğurub. Hadisədən sonra çoxsaylı vətəndaş xəstəxana qarşısına toplaşaraq həkim barəsində tədbir görülməsini tələb edib.

Xəstəxana rəhbərliyi baş verənlərlə bağlı üç nəfərlik istintaq komissiyasının yaradıldığını açıqlayıb. Xəstəxananın baş həkimi Dr. Rahul Rao isə sözügedən həkim barəsində polisə rəsmi şikayət edildiyini və araşdırmanın nəticələrinə uyğun olaraq müvafiq addımların atılacağını bildirib.

Telegramda izləyin