Özcan Denizin anası ilə bağlı kədərli xəbər

Türkiyənin tanınmış sənətçisi Özcan Denizin uzun müddətdir küsülü olduğu anası Kadriye Denizin xərçəng xəstəliyi səbəbilə müalicə aldığı məlum olub. Kadriye Denizin səhhəti ilə bağlı yenilikləri sənətçinin bacısı Yurda Gürler ictimaiyyətlə paylaşıb.

Sonxeber.az türk mediasına istinadən xəbər verir ki, xəstəxanadan foto paylaşan Yurda Gürler anasının müalicəsinin davam etdiyini bildirərək, "Bizdən xoş arzularını əsirgəməyən hər kəsə təşəkkür edirəm. Anam təəssüf ki, bir müddət də kimyaterapiya almaq məcburiyyətindədir. Ümidimizi itirmədən yolumuza davam edirik", - deyə qeyd edib.

Gürler digər paylaşımında isə, "Az öncə seansımız bitdi. Dualarınızı yenə gözləyirik", - sözləri ilə izləyicilərindən dəstək istəyib. O, həmçinin şəfa gözləyən hər kəs üçün Allahdan şəfa dilədiyini vurğulayıb.

Qeyd edək ki, Özcan Deniz uzun illər menecerliyini edən qardaşı Ercan Denizlə maddi anlaşılmazlıqlar səbəbilə məhkəməlik olmuş, tərəflər arasındakı gərginlik zamanla daha da artmışdı. Bu prosesə anası Kadriye Denizin də daxil olması ailədaxili böhranı dərinləşdirmişdi.

Özcan Deniz son dövrlərdə ailəsi ilə bağlı sərt açıqlamaları ilə gündəmə gəlmişdi. Sənətçi anasına ünvanladığı açıqlamada, "Vəfatınızda da orada olmayacağam", - deyərək ailəsi ilə bütün əlaqələrini kəsdiyini bildirmişdi.

Telegramda izləyin