Zihni Göktay: "Qocalar evinə öz istəyimlə köçmüşəm, qızım haqsız yerə ittiham olunur"

Türkiyənin tanınmış teatr və kino aktyoru Zihni Göktay evinin Maltepedə yerləşən qocalar evinə köçüb. Bu qərarın öz istəyi ilə verildiyini bildirən sənətkar, ictimaiyyətdə qızı ilə bağlı səsləndirilən "atasına baxmır" iddialarına sərt reaksiya göstərib.

Sonxeber.az türk mediasına istinadən xəbər verir ki, kütləvi informasiya vasitələrində yayılan "yalnız buraxılıb" fikirlərinə aydınlıq gətirən Zihni Göktay bildirib ki, qızı onun öz evində qalaraq qayğısına qalmaq istəyib, lakin bu təklifi məhz özü qəbul etməyib. Aktyor qocalar evində son dərəcə rahat və xoşbəxt olduğunu, burada ona çox yaxşı qulluq göstərildiyini vurğulayıb.

Qızı haqqında deyilən tənqidi fikirlərin həqiqəti əks etdirmədiyini deyən Göktay, bu sözlərin onu narahat etdiyini bildirib. O, qərarının tamamilə şəxsi seçim olduğunu xüsusi olaraq qeyd edib.

Habertürk-ə açıqlamasında usta sənətkar, "İnsan yükü ağırdır. Ev üstünə ev olmaz. Mən qocalar evində xoşbəxtəm", - deyə bildirib. Zihni Göktay əlavə edib ki, dəfələrlə xahiş etməsinə baxmayaraq, qızının hədəf alınması və haqsız yerə tənqid olunması onu məyus edir.

Sənətkarın sözlərinə görə, yayılan şərhlər reallığı əks etdirmir və bu məsələdə qızına qarşı edilən ittihamlar tamamilə əsassızdır

Telegramda izləyin