Orqanik məhsulları digərlərindən necə ayırd edək? - ekspert AÇIQLADI
"Ölkəmizdə "orqanik" sözü gündəlik dildə tez-tez işlədilir. Hüquqi sənədlərdə isə əsasən "ekoloji təmiz" anlayışından istifadə olunur. Mövcud markalanma qaydalarına görə "ekoloji təmiz" termini beynəlxalq praktikada işlədilən bioloji, üzvi və təbii anlayışları ilə eyni məna daşıyır".
Bu sözləri Sonxeber.az-a qida eksperti Asim Vəliyev danışıb.
O, açıqlamasında qeyd edib ki, "Orqanik" məhsulu etiketdən tanımağın ən praktik yolu gözə xoş gələn sözləri axtarmaq deyil, əsas məsələ izlənilə bilən məlumatların olub-olmamasıdır:
" 2018-ci ildə təsdiqlənmiş "Ekoloji təmiz kənd təsərrüfatı və qida məhsullarının markalanması Qaydası"na əsasən, ekoloji təmiz məhsullar akkreditasiya edilmiş uyğunluğu qiymətləndirən qurum tərəfindən markalanmalıdır. Bu zaman etiketdə "EKO" qeydinin yer alması məntiqi hesab olunur.
Qaydaya görə etiketdə, yaxud qablaşdırılmadan satılan məhsulların qoşma sənədlərində müəyyən məlumatlar göstərilməlidir. Bunlara istehsalçı və ya emalçı müəssisənin adı və ünvanı, milli əmtəə nişanı, məhsulun adı və növü, tərkibi, çəkisi və miqdarı, istehsal tarixi, yararlılıq müddəti, saxlanma şərtləri və ekoloji müşahidənin nəticələri daxildir. Ən vacib məlumat isə akkreditasiya edilmiş uyğunluğu qiymətləndirən qurumun adıdır.
Bu məlumatların hamısını marketdə əzbərləmək çətindir. Amma etiketdə məhsulun ekoloji təmizliyinə cavabdeh olan qurumun adı yoxdursa, "orqanik" iddiası çox vaxt sadəcə reklam xarakteri daşıyır.
Sertifikat etibarlılığı artırır. Sistem "sözə" deyil, nəzarətə və sənədə əsaslanır. Markalanma qaydalarında da prosesin akkreditasiya edilmiş uyğunluğu qiymətləndirən qurumlar üzərindən aparıldığı qeyd olunur. Akkreditasiya həmin qurumun səriştəsinin rəsmi şəkildə tanınması deməkdir. Bu sahədə rəsmi qurum kimi Azərbaycan Akkreditasiya Mərkəzi fəaliyyət göstərir və açıq akkreditasiya bazası mövcuddur".
Ekspert onu da vurğuladı ki, "sertifikat var, deməli hər şey qaydasındadır" yanaşması düzgün deyil:
"Saxtalaşdırma cəhdləri istənilən bazarda mümkündür. Ona görə də etiketdəki izlənilə bilən məlumatlar həmişə əsas meyar olaraq qalmalıdır. Bazarda satılan, üzərində "orqanik" yazılan hər məhsula inanmaq sadəlövhlük olardı. Xüsusilə açıq şəkildə, etiketsiz satılan məhsullarda bu iddia sənədlə təsdiqlənmirsə, istehlakçı üçün onun dəyəri azalır.
Ölkəmizdə müəyyən dövrlər üçün təsdiqlənmiş orqanik sertifikatlaşdırma qurumlarının siyahısında "AZ-BIO" kodları ilə tanınan qurumlar yer alıb. Ancaq bu siyahılar tarixə bağlıdır və zamanla dəyişə bilər. İdxal məhsullarda beynəlxalq səviyyədə tanınan loqo və kodlara rast gəlsək belə, qərarı təkcə kodun mövcudluğuna əsasən vermək düzgün olmaz. Seçim etiketdəki digər izlənilə bilən məlumatlarla birlikdə qiymətləndirilməlidir".
Vüsalə İbrahimli
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Rəşid Mahmudovun evində partlayış baş verib?
SON DƏQİQƏ! ABŞ İranın Qeşm adasını bombaladı: 5-6 partlayış baş verdi
1960-cı ildə proqnozlaşdırılan "qiyamət günü" gəldi
Kadir İnanırın mirasının məbləği açıqlandı
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kirayəçi evi boşaltmaqdan imtina edirsə, ev sahibi nə etməlidir? - EKSPERTDƏN AÇIQLAMA
Azərbaycanda siqaret yenidən bahalaşacaq? - İqtisadçıdan AÇIQLAMA
Yeni Azərbaycan Partiyası - milli siyasi iradənin, dövlətçilik ənənələrinin və güclü Azərbaycan məfkurəsinin ifadəsi
Yeni Azərbaycan Partiyasının yaradılmasının 34-cü ildönümü: Milli dövlətçilik tariximizin mühüm mərhələsi
Dünyada ərzaq ucuzlaşır, Azərbaycanda isə bahalaşır - Səbəb nədir? - İQTİSADÇIDAN AÇIQLAMA
ABŞ-İran müharibəsində yeni gərginlik: Tehran ABŞ bazasını hədəfə aldı, Vaşinqton bölgəyə üçüncü aviadaşıyıcısını göndərdi
Universitetlərə qəbul imtahanları ləğv edilə bilər? - Azərbaycanda yeni sistemə keçid mümkündürmü? - TƏHSİL EKSPERTİNDƏN AÇIQLAMA
Prezident bu ölkə ilə əbədi dostluq haqqında Müqaviləni təsdiqlədi
Rusiya Ukraynanı bombaladı