Voleybol zamanı topu bilmədən tamaşaçıya vuran oyunçu baş əyərək üzr istədi - VİDEO

Yaponiyada keçirilən voleybol oyununda baş verən xoşagəlməz hadisə idmançının davranışı ilə böyük rəğbət qazanıb.

Sonxeber.az xarici mediaya istinadən xəbər verir ki, matç zamanı servis atışı edən yapon voleybolçu topa zərbə vurarkən onu nəzarətdən çıxarıb və top tribunada oturan bir şəxsin başına dəyib. Gözlənilməz hadisə zalda qısa müddətli təlaş yaradıb.

Hadisədən dərhal sonra idmançı tribunaya tərəf dönərək hər kəsin gözü qarşısında dərin şəkildə baş əyib üzr istəyib. Onun bu hörmət dolu jesti həm zalda olan tamaşaçılar, həm də görüntülərin yayılmasından sonra sosial şəbəkə istifadəçiləri tərəfindən böyük təqdirlə qarşılanıb.

Telegramda izləyin