"Ökədəki bir çox kafe və restoranlarda ali təhsilli gənclərimiz çalışır" - AÇIQLAMA
2 fevral Azərbaycanda Gənclər Günüdür - ölkənin gələcəyini formalaşdıran gənclərə həsr olunmuş xüsusi bir gündür. Bu tarix gənclərin cəmiyyətdəki rolunu, onların potensialını, ideyalarını və inkişafını ön plana çıxarır.
Gənclər yalnız sabahın deyil, bu günün də aparıcı qüvvəsidir; onların təhsili, fəallığı və təşəbbüskarlığı cəmiyyətin ümumi inkişafına birbaşa təsir göstərir. Bu gün həm gənclərin nailiyyətlərini qeyd etmək, həm də onların qarşılaşdıqları çətinliklərə diqqət yönəltmək üçün bir fürsətdir.
Bəs görəsən gənclər bu gün daha azad böyüyür, yoxsa daha çox təzyiq altındadır? Bu ziddiyyət nədən qaynaqlanır?
Sosioloq Mətanət Məmmədova bu barədə Sonxeber.az -a açıqlama verib:
"Bütün gəncləri Gənclər Günü münasibətilə təbrik edirəm. Biz müstəqil bir dövlətdə yaşayırıq və gənclərimiz də müstəqil şəkildə böyüyür, inkişaf edirlər. Onların hər hansı açıq təzyiq altında qaldıqlarını düşünmürəm. Lakin bəzən gənclərimiz öz hüquqlarını müdafiə etməkdə, sözlərini deməkdə çətinlik çəkirlər.
Bu gün Azərbaycanda çox istedadlı, savadlı gənclər var. Onların hər biri universitet tələbəsi olmaq istəyir və əksər hallarda da bu istəklərinə nail olurlar. Bəs görəsən, onların hər biri özünə uyğun iş tapa bilirmi? Əsas məsələ məhz burada başlayır.
Bir gənc heç bir təzyiq olmadan, valideynləri tərəfindən sərbəst şəkildə istiqamətləndirilir, hazırlıqlara gedir və universitetə qəbul olunur. Bəs sonra nə baş verir? Gənc özünə iş tapa bilmir. Çünki gənclərimizin qarşısında çoxsaylı bürokratik əngəllər mövcuddur. Demək olar ki, ölkədəki bir çox kafe və restoranlarda ali təhsilli gənclərimiz çalışır. Buna səbəb nədir? Səbəb odur ki, gənclər özlərinə layiq iş yerləri tapa bilmirlər. Qarşılarında saysız-hesabsız maneələr var.
Gənclərimiz dövlət qulluğu və digər sahələr üzrə imtahanlar verirlər və bu imtahanlardan uğurla keçirlər. Çox təəssüf ki, imtahanların ikinci mərhələsində - yəni müsahibə prosesində - insan amili rol oynadığı üçün gənclərimiz arzuladıqları nəticəni əldə edə bilmirlər. Kiminsə tapşırığı ilə imtahandan keçənlər olur, amma savadlı gənclərimiz həmin mərhələdə kəsilir.
İş tapa bilməmək problemi getdikcə daha da dərinləşir. İşi olmayan gənc ailə qurmaq barədə düşünə bilmir, çünki ev ala bilmir. Özünü dolandıra bilməyən bir insan necə ailə dolandıra bilər? Bütün bu problemlərin kökü işsizlikdən başlayır. Buna təzyiq deməsək belə, ən azı ciddi əngəl adlandıra bilərik.
Bu mexanizm dəyişdirilməlidir. Dövlət bu sahəyə daha çox diqqət ayırmalıdır. Bu gün biz davamlı olaraq yazırıq ki, gənclər üçün müxtəlif əngəllər yaradılır. Halbuki fürsət verilsə, işə qəbul olunan savadlı gənclər özlərini doğrultmağı çox yaxşı bacararlar. Lakin ilk işə qəbul zamanı onlardan tələb olunan 3 il staj şərti əksər hallarda mümkün olmur. Baxın, absurd olan məhz budur.
Bu, qətiyyən bağışlanılası hal deyil. Məsələyə ciddi yanaşılmalı və gənclər diqqət mərkəzində saxlanılmalıdır. Bu gün ölkəmizdə gənclərlə bağlı ən böyük problem onların işlə təmin olunmamasıdır. Çünki iş varsa, o gəncin həyatı daha rahat və sabit davam edəcək.
Bütün bu problemlər zəncirvari şəkildə bir-biri ilə bağlıdır. Təkcə bir işin olmaması nə qədər çətinliklər yaradır. İşsizlik aradan qaldırılsa, gənclərin bir çox problemi də öz həllini tapar".
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Rəşid Mahmudovun evində partlayış baş verib?
SON DƏQİQƏ! ABŞ İranın Qeşm adasını bombaladı: 5-6 partlayış baş verdi
1960-cı ildə proqnozlaşdırılan "qiyamət günü" gəldi
Kadir İnanırın mirasının məbləği açıqlandı
Kirayəçi evi boşaltmaqdan imtina edirsə, ev sahibi nə etməlidir? - EKSPERTDƏN AÇIQLAMA
Azərbaycanda siqaret yenidən bahalaşacaq? - İqtisadçıdan AÇIQLAMA
Yeni Azərbaycan Partiyası - milli siyasi iradənin, dövlətçilik ənənələrinin və güclü Azərbaycan məfkurəsinin ifadəsi
Yeni Azərbaycan Partiyasının yaradılmasının 34-cü ildönümü: Milli dövlətçilik tariximizin mühüm mərhələsi
Dünyada ərzaq ucuzlaşır, Azərbaycanda isə bahalaşır - Səbəb nədir? - İQTİSADÇIDAN AÇIQLAMA
ABŞ-İran müharibəsində yeni gərginlik: Tehran ABŞ bazasını hədəfə aldı, Vaşinqton bölgəyə üçüncü aviadaşıyıcısını göndərdi
Universitetlərə qəbul imtahanları ləğv edilə bilər? - Azərbaycanda yeni sistemə keçid mümkündürmü? - TƏHSİL EKSPERTİNDƏN AÇIQLAMA
Prezident bu ölkə ilə əbədi dostluq haqqında Müqaviləni təsdiqlədi
Yevlaxda ağır qəzada 2 nəfər öldü
Rusiya Ukraynanı bombaladı