Azyaşlı uşağın "Fenerbahçe" prezidentindən istədiyi şey şok edib - VİDEO

Süper Liqanın 20-ci turunda Fenerbahçe Kocaelisporu 2:0 hesabı ilə məğlub edib. Oyundan sonra Fenerbahçenin prezidenti Sadettin Saran stadiondan çıxarkən kiçik azarkeşin ona "Başqanım, 10 TL-niz var? Mən Fenerliyəm" deməsi anları qısa müddətdə virallaşıb.

Sonxeber.az türk mediasına istinadən xəbər verir ki, Trendyol Süper Liqanın 20-ci turunda Fenerbahçe səfərdə Kocaelisporla qarşılaşıb və Marco Asensio ilə Nene’nin vurduğu qollar sayəsində 2:0 hesabı ilə qalib gəlib. Bu qələbə ilə sarı-lacivərdlilər lider Galatasarayla arasındakı xal fərqini 3-ə endiriblər və liqanın ilk 20 turunu 20 il sonra məğlubiyyətsiz tamamlayıblar.

Matçdan sonra Fenerbahçenin prezidenti Sadettin Saran Kocaeli Stadionundan ayrıldığı zaman kiçik bir azarkeş onun qarşısını kəsərək "Başqanım, 10 TL-niz var? Mən Fenerliyəm" deyə səslənib. Bu anların görüntüləri sosial şəbəkələrdə sürətlə yayılıb və böyük maraqla qarşılanıb.

Telegramda izləyin