Restoranlarda servis haqqı ləğv edilə bilərmi? - Ekspert mümkün nəticələrdən danışdı

Son dövrlərdə restoranlarda servis haqqının ləğv edilməsi bir sıra ölkələrdə geniş tətbiq olunur. Qardaş ölkə Türkiyədə də bu addım atılmış və müştərilər arasında müsbət rəylər alıb. Azərbaycanda isə bu təşəbbüsün yaxın gələcəkdə həyata keçirilib-keçirilməyəcəyi barədə maraq artmaqdadır. Başqa ölkələrdə, xüsusilə Türkiyədə ləğv edilən restoran servis haqqı Azərbaycanda da tətbiq olunacaqmı və bu addım ölkəmizdə müştərilər, restoran sahibləri üçün hansı nəticələr verə bilər?

Mövzu ilə bağlı Sonxeber.az-a iqtisadçı ekspert Natiq Cəfərli danışıb.

O, açıqlamasında qeyd edib ki, dünyanın bir çox ölkəsində hesaba servis haqqının əlavə olunması qadağan edilib, amma çaypulu verilməsi özlüyündə qadağan deyil:

"Azərbaycanda bütün restoranlarda servis haqqının tətbiq olunduğunu demək olmaz. Lakin, bəzi restoranlarda hesabın 10%-i xidmət haqqı kimi əlavə olunur. Bu, qanunla ləğv edilə bilər. Amma çay pulunu verməyi necə tənzimləmək olar ki, bu hər zaman könüllü qalsın? Yəni vətəndaş istəsə, hesabın 1-10%-i qədər məbləği restorana xidmət haqqı kimi ödəyə bilər; bunu qadağan etmək mümkün deyil.

Dünyanın bir çox ölkəsində hesaba servis haqqının əlavə olunması qadağan edilib, amma çaypulu verilməsi özlüyündə qadağan deyil. Hətta ABŞ-da bu ənənə halını alıb və ştatdan ştata dəyişərək ümumiyyətlə 10-15% həcmində ödənilir. Bu tarixçəyə malikdir: ABŞ-da ofisiantların yarıdan çoxu tələbələrdir və ümumi razılıq var ki, tələbələrə yardım məqsədilə çaypulu verilməlidir. Lakin Amerikada çaypulundan vergi ödənilməsi məsələsi mövcud idi və Tramp administrasiyası bunu 2023-cü ildə ləğv etdi. Yəni, belə qaydaların Azərbaycanda da tətbiq olunması mümkündür".

Vüsalə İbrahimli

Telegramda izləyin