"Obyekt sahibi mənim salonuma əlavə xətt qoşub, 3 min ziyana düşmüşəm" - Foto
Xətai rayonu, General Əliağa Şıxlınski küçəsi 49 ünvanında yerləşən "Sevinc" gözəllik salonunun sahibi Sevinc Məmmədova obyektin elektrik sayğacına onun razılığı olmadan əlavə xətt qoşulduğunu iddia edir.
"Qafqazinfo"ya müraciət edən vətəndaş bildirir ki, xətti qoşan icarəyə götürdüyü obyektin sahibi Natik Məmmədovdur.
Şikayətçinin sözlərinə görə, salonun işığı söndürülmüş vəziyyətdə olsa belə, sayğacda 10 amper güc qeydə alınır və nəticədə faktiki istifadə etmədiyi elektrik enerjisinə görə 3 il ərzində ödəniş edib. Onun hesablamalarına əsasən, dəyən maddi zərərin məbləği 2500-3000 manat civarındadır.
Salonu gün ərzində cəmi 2-4 saat işlətdiyini deyən Sevinc xanım bildirir ki, əvvəllər aylıq elektrik xərci cəmi 60-100 manat olub: "2022-ci ilin yayında obyektə daxil oldum. Məkanı icarəyə götürdükdən sonra təmir edib içərini avadanlıqlarla təmin etdim. Obyektin sahibi öncədən mənə bildirmişdi ki, sayğac tək mənə məxsusdur. Qəbzdə yazılan məbləğləri sahibkarın istəyi ilə onun kartına atırdım. İlk aylar məbləğin normal olmasına baxmayaraq, növbəti aylarda artmağa başladı. Belə ki, öncə səkkiz, on, on iki manat, daha sonra isə bu məbləğlərdən on, iyirmi AZN daha çox oldu. Obyektin sahibi Natik Məmmədov maşınını keçən yay aldığı halda mənə 2 ay öncə dedi ki, avtomobilini həmin sayğacdan şarj edir, öhdəliyinə düşən məbləği ödəyəcək. Bu şəkildə davam etməsini istəmədiyimi, sayğacları ayırmasını tələb etdim. O isə razılaşmadı və çıxmağımı söylədi. Halbuki müqaviləmin vaxtı apreldə bitir".
İttihamlarla əlaqədar obyektin sahibi Natik Məmmədovla əlaqə saxladıq. O, iddialara cavab olaraq bildirdi ki, S.Məmmədova obyektdən istifadə etdiyi dövr ərzində cəmi yuvarlaq olaraq 1600 AZN işıq pulu ödəyib: "Bunun üçün lazım olan hər bir qəbz və "Azərişığ"ın verdiyi akt əlimizdədir. Sevinc xanımın etdiyi bu iddiaları açığı heç kim başa düşmür, ya Sevinc xanım özü heç nəyi anlamır, ya da qəsdlə bu iddiaları qaldırıb. Ümumi olaraq obyekt 3 ayrı-ayrı obyekt kimi fəaliyyət göstərir və hər birində kontrol sayğaclar quraşdırılıb. Təbii ki, hər birinin öz göstəricisi var. Dəfələrlə "Azərişıq" əməkdaşları da yoxlamaya gəlib və Sevinc xanım heç kimin fikrinə və araşdırmasına məhəl qoymur. Bizi polisə də verib və iş artıq məhkəməyə gedib. Əminəm ki, məhkəmə də haqqı bizim tərəfdə görəcək. Xanım özünü pis vəziyyətə qoymaqdan başqa təəssüf ki, heç bir nailiyyət əldə edə bilməyəcək".


Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Rəşid Mahmudovun evində partlayış baş verib?
SON DƏQİQƏ! ABŞ İranın Qeşm adasını bombaladı: 5-6 partlayış baş verdi
1960-cı ildə proqnozlaşdırılan "qiyamət günü" gəldi
Kadir İnanırın mirasının məbləği açıqlandı
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kirayəçi evi boşaltmaqdan imtina edirsə, ev sahibi nə etməlidir? - EKSPERTDƏN AÇIQLAMA
Azərbaycanda siqaret yenidən bahalaşacaq? - İqtisadçıdan AÇIQLAMA
Yeni Azərbaycan Partiyası - milli siyasi iradənin, dövlətçilik ənənələrinin və güclü Azərbaycan məfkurəsinin ifadəsi
Yeni Azərbaycan Partiyasının yaradılmasının 34-cü ildönümü: Milli dövlətçilik tariximizin mühüm mərhələsi
Dünyada ərzaq ucuzlaşır, Azərbaycanda isə bahalaşır - Səbəb nədir? - İQTİSADÇIDAN AÇIQLAMA
ABŞ-İran müharibəsində yeni gərginlik: Tehran ABŞ bazasını hədəfə aldı, Vaşinqton bölgəyə üçüncü aviadaşıyıcısını göndərdi
Prezident bu ölkə ilə əbədi dostluq haqqında Müqaviləni təsdiqlədi
Yevlaxda ağır qəzada 2 nəfər öldü
Rusiya Ukraynanı bombaladı