Çernobıl yaxınlığında nadir at görüntüləndi

Çernobıl Radiasiya-Ekoloji Biosfer Qoruğunda nadir at görüntülənib.

Oxu.Az-ın UNIAN-a istinadən xəbərinə görə, bu barədə qoruqdan məlumat verilib.

Məlumata görə, nadir Prjevalski atı meşədən çıxaraq yolda avtomobilə doğru hərəkət edib.

Bununla bağlı yayılan fotoda qeyri-adi heyvanın yolu keçdiyini görmək mümkündür.

"Qoruğun qış yollarında bəzən gözlənilməz "yol hərəkəti istifadəçiləri" - Prjevalski atları ilə qarşılaşmaq mümkündür, onlar sakitcə öz işlərinin arxasınca gedirlər. Onlar tələsmir, diqqətlə izləyirlər və sanki hər kəsin diqqətlə sürüb-sürmədiyini yoxlayırlar. Buna görə də yavaşlayın, gülümsəyin və unutmayın - burada yol təkcə insanlara deyil, həm də vəhşi təbiətə məxsusdur!" - deyə tədqiqatçılar qeyd ediblər.

Telegramda izləyin