Məşhur model podiumda çətin anlar yaşadı - VİDEO

"Open Stage Fashion Week"in son günündə keçirilən ayaqqabı nümayişi zamanı məşhur model Eylem Aytaş podiumda çətin anlar yaşayıb.

Sonxeber.az türk mediasına istinadən xəbər verir ki, dəfilə zamanı podiumda irəliləməkdə çətinlik çəkən model bir neçə dəfə dayanaraq ayaqqabılarını düzəltməyə çalışsa da, buna nail ola bilməyib.

Hündür dabanlı ayaqqabılar səbəbindən tarazlığını qorumaqda çətinlik yaşayan Aytaş sonda çıxış yolunu ayaqqabılarını çıxararaq əlində aparmaqda görüb.

Modelin ayaqqabılarını əlinə alaraq podiumda yeriməsi gecəyə damğa vurub və tamaşaçıların diqqət mərkəzində olub. Həmin anlar sosial şəbəkələrdə də geniş müzakirələrə səbəb olub.

Qeyd edək ki, moda nümayişlərində bu cür hallar nadir hallarda baş versə də, modellər peşəkarlıqları ilə vəziyyətdən çıxmağı bacarırlar.

Telegramda izləyin