Yazışmaları paylaşdı: Müştəridən qadın sığorta agentinə qeyri-etik təklif

Türkiyədə bir qadın sığorta agenti müştərisindən aldığı uyğunsuz və təhqiredici məzmunlu WhatsApp mesajlarını paylaşaraq yaşadığı hadisəni ictimaiyyətə açıqlayıb.

Sonxeber.az türk mediasına istinadən xəbər verir ki, qadın sosial şəbəkədə paylaşdığı məlumatda bildirib ki, müştərisi olduğunu iddia etdiyi bir şəxsdən gələn mesajlar sığorta xidməti ilə bağlı deyil, qeyri-etik məzmun daşıyıb. Paylaşılan ekran görüntülərində həmin şəxsin sığorta məsələlərini müzakirə etmək əvəzinə uyğunsuz tələblər irəli sürdüyü görünür.

Mesajlarda qarşı tərəfin "Pullu foto və ya video olmaz?" kimi ifadələr yazdığı, qadın sığorta agentinin isə əvvəlcə vəziyyəti anlamağa çalışdığı, daha sonra isə bu cür tələblərə etiraz etdiyi diqqət çəkib.

Qadın sığorta agenti son mesajında göndərilən ifadələrin təcavüz xarakterli olduğunu bildirib. O qeyd edib ki, bütün yazışmalar saxlanılır və bu cür davranışın təkrarlanacağı halda məsələ ilə bağlı hüquqi addımlar atılacaq.

Telegramda izləyin