Müasir dövrdə insanların getdikcə daha çox tək yaşamağa üstünlük verməsi nə ilə bağlıdır? - AÇIQLAMA
Müasir dövrdə böyük şəhərlərdə həyat tərzi sürətlə dəyişir. İnsanların sosial münasibətləri, ailə modeli və gündəlik həyat seçimləri əvvəlki dövrlərlə müqayisədə fərqli istiqamətdə formalaşır. Xüsusilə son illərdə iri şəhərlərdə tək yaşayan insanların sayının artması diqqət çəkən sosial tendensiyalardan birinə çevrilib.
Bəzi insanlar bunu şəxsi azadlıq və rahatlıqla əlaqələndirir, digərləri isə iqtisadi çətinliklər, karyera prioritetləri və dəyişən dəyərlər sistemi ilə izah edir.
Bəs böyük şəhərlərdə insanların getdikcə daha çox tək yaşamağa üstünlük verməsi nə ilə bağlıdır? Bu tendensiyanın arxasında hansı sosial səbəblər dayanır?
Sosioloq Mətanət Məmmədova bu barədə Sonxeber.az -a açıqlama verib:
"Belə halların bizim cəmiyyətimizdə də çoxalma səbəblərindən birincisi Avropaya meylimizdən, oradakı həyat tərzinə uyğunlaşmaq istəyimizdən irəli gəlir. Bəzən müşahidə edirik ki, bəzi oğlan və qızlar ailəsindən kənarda yaşamağa meyl edir. Bunun səbəbi onun ailə qayğıları ilə özünü yükləməmək, valideyn nəzarəti altında yaşamamaq, "nə vaxt getdin-nə vaxt gəldin"in soruşulmaması və yaxud da karyera üçün sakit bir guşəyə çəkilmək istəyindən irəli gəlir.
Lakin bu, əsla doğru olmayan seçimdir. Çünki insan ailə içərisində tapdığı xoşbəxtliyi qeyri yerdə tapa bilməz. İnsanın digər canlılardan fərqi onun ali dəyərləridir. Bu dəyərlərdən biri ailədir. İnsanların birgə həyat tərzi, ata-ana, bacı-qardaş, sonra onun özünün ailə qurması, həyat yoldaşı və övladları ilə birlikdə yaşaması insanın ali dəyəridir. İnsanlığa yaraşan hal da məhz budur.
Təəssüf ki, bu gün oğlanlar və qızlar var ki, gözəl ailələri ola-ola tək yaşamağı seçir. Bu hal, yaxşı ki, bizdə daha çox yayılmayıb. Yayılması da heç istəmədiyimiz haldır. Lakin belə insanların sayı çoxalmaqdadır.
Mən belə həyatları həyat hesab etmirəm. İnsanın hər hansı bir psixoloji problemi olmalıdır ki, bu addımı atsın. Sən ailəni, əzizlərini qoyub necə tək yaşamağa üstünlük verərsən, bax, bu, maraqlıdır. Belələri ailə qurmağa da meyilli olmur. Sanki gələcək qayğılar, çiyinləri üzərinə düşəcək yük onlara kabus kimi gəlir. Odur ki, tək yaşamağa üstünlük verirlər. Ailə qurmaq yaşı keçəndə, yaşlaşanda səhvin nədən ibarət olduğunu anlayır, lakin artıq gec olur.
Belə insanlara qarşı cəmiyyət olaraq mübarizə aparmalıyıq. Çünki onlar bizim öz övladımız deyilsə, əzizlərimizdən, qohumlarımızdan birinin övladıdır. Belə övladı olan valideynin isə yetərli qədər problemi vardır. Odur ki, tək yaşamağa meyl edən oğlan və qızları bu yolun başlanğıcındaca çəkindirmək, ailəyə bağlamaq lazımdır. Ona görə ki, bu həyat tərzini seçənlər cəmiyyət və ölkə üçün faydalı ola bilməz. İşləyər, karyera qurar, lakin həyatın hansısa bir anında onu da nəyəsə qurban verə bilər. Çünki kimlərisə qurban verib axı. Bu psixologiyadan çıxmağın yeganə yolu elə ailə ilə birlikdə yaşamaq, insan cəmiyyəti üçün gərəkli olanları etməkdir. Unutmayaq ki, insanın digər yarananlardan fərqi onun ailəsi, dəyərləri, necə yaşamalı olması haqqında yazılmamış qanunlardır"
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Rəşid Mahmudovun evində partlayış baş verib?
SON DƏQİQƏ! ABŞ İranın Qeşm adasını bombaladı: 5-6 partlayış baş verdi
Güclü küləklə bağlı xəbərdarlıq
1960-cı ildə proqnozlaşdırılan "qiyamət günü" gəldi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
Kirayəçi evi boşaltmaqdan imtina edirsə, ev sahibi nə etməlidir? - EKSPERTDƏN AÇIQLAMA
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Azərbaycanda siqaret yenidən bahalaşacaq? - İqtisadçıdan AÇIQLAMA
Yeni Azərbaycan Partiyası - milli siyasi iradənin, dövlətçilik ənənələrinin və güclü Azərbaycan məfkurəsinin ifadəsi
Azərbaycan-Böyük Britaniya: regional sabitlik və qlobal əməkdaşlıq perspektivləri
Yeni Azərbaycan Partiyasının yaradılmasının 34-cü ildönümü: Milli dövlətçilik tariximizin mühüm mərhələsi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri
Dünyada ərzaq ucuzlaşır, Azərbaycanda isə bahalaşır - Səbəb nədir? - İQTİSADÇIDAN AÇIQLAMA