Sezen Aksunun mahnı yazdığı serial final edir

Türkiyədə "Veliaht" serialının final qərarı verilib.

Sonxeber.az türk mediasına istinadən xəbər verir ki, reytinqlərdə gözlənilən uğuru əldə edə bilməyən ekran işi 26-cı bölümdə izləyicilərlə vidalaşacaq.

Show TV kanalında cümə axşamları yayımlanan və FARO ilə Gold Yapım tərəfindən istehsal olunan serialın çəkilişləri hazırda Kars şəhərində başa çatdırılıb. Məlumata görə, komanda sonuncu - 26-cı bölümün çəkilişləri üçün İstanbula qayıdacaq.

Serialın son bölümlərindən birində Zafer obrazının (Bora Akkaş) öldüyü səhnə diqqət çəkmişdi. Bildirilir ki, serialı izləyən Sezen Aksu həmin səhnədən təsirlənərək "Kar" adlı mahnı yazıb.

Jurnalist Birsen Altuntaş isə sosial şəbəkədə etdiyi açıqlamada serialın final qərarının əsasən iqtisadi səbəblərlə bağlı olduğunu bildirib. Onun sözlərinə görə, layihə uzun müddətdir zərərlə işləyirdi və buna görə ekran həyatı 26-cı bölümdə başa çatdırılacaq.

Telegramda izləyin