Diqqətsiz addımı az qala faciəyə səbəb olacaqdı - VİDEO

Çində baş verən yol-nəqliyyat hadisəsi təhlükəsizlik kameraları tərəfindən saniyə-saniyə qeydə alınıb. Yolun qarşı tərəfinə keçmək istəyən piyada ehtiyatsız şəkildə hərəkət edərkən yük avtomobili ilə toqquşub.

Sonxeber.az türk mediasına istinadən xəbər verir ki, hadisə zamanı sürücünün ani manevri nəticəsində tırın təkəri piyadaya yandan dəyərək onu bir neçə metr sürükləyib. Qorxulu görüntülərə baxmayaraq, piyada möcüzə nəticəsində avtomobilin altında qalmayıb.

Nəticədə o, müxtəlif xəsarətlərlə qəzadan sağ çıxıb. Hadisə yerinə çağırılan tibbi briqada yaralıya ilkin yardım göstərərək onu xəstəxanaya çatdırıb.

Qəza ilə bağlı araşdırma aparıldığı bildirilir. Hadisənin görüntüləri isə sosial şəbəkələrdə geniş müzakirələrə səbəb olub.

Telegramda izləyin