İlbər Ortaylının məzarına vətən torpağı töküldü! - VİDEO

Professor tarixçi İlber Ortaylı dünən təşkil olunan mərasimdən sonra "tarixin ürəyi" kimi xarakterizə edilən Fatih məscidi hazirəsində torpağa tapşırılıb.

Sonxeber.az türk mediasına istinadən xəbər verir ki, Türkiyənin tarix və mədəniyyət sahəsində yetişdirdiyi ən önəmli simalardan biri hesab olunan Ortaylı üçün keçirilən dəfn zamanı nümayiş etdirilən vəfa nümunəsi iştirakçıları duyğulandırıb.

Onun məzarına həyatı boyunca xüsusi önəm verdiyi iki simvolik coğrafiyadan gətirilən torpaqlar səpilib. Çanaqqala Şəhidliyindən götürülən torpaq və ata yurdu Krımdan xüsusi olaraq gətirilən torpaq dualar eşliyin­də qəbrinə qoyulub.

Mərasimdə dövlət rəsmiləri ilə yanaşı, akademiya, incəsənət və siyasət dünyasından çoxsaylı şəxslər iştirak edib. Çıxış edənlər Ortaylının yalnız tarixçi kimi deyil, həm də zəngin bilik və rəhbərliyi ilə mədəni yaddaşda dərin iz buraxdığını vurğulayıblar. Dəfn mərasimindən sonra onun yaxınları və sevənləri qəbir başında toplaşaraq dua ediblər.

Fatih məscidi hazirəsində ümumilikdə 400-ə yaxın görkəmli şəxs dəfn olunub. Burada, o cümlədən Halil İnalcıkın da məzarı yerləşir. Eyni zamanda hazirədə II Mehmedin türbəsi, onun həyat yoldaşı Gülbahar Valide Hatun, Qazi Osman Paşa, Ahmed Muxtar Paşa, Ahmed Midhat Efendi, Kemal Karpat və Semavi Eyice kimi önəmli simaların qəbirləri yer alır.

İlber Ortaylının vəfatı tarix və mədəniyyət camiəsində dərin kədər doğursa da, onun qoyub getdiyi əsərlər və fikirlər gələcək nəsillər üçün mühüm bir yol göstəricisi olaraq qalacaq.

Telegramda izləyin