İftar süfrəsi və təqdimat: iş dünyası bir araya gəldi

14 mart tarixində GİK HOLDİNG iş adamları və şirkət nümayəndələri üçün iftar süfrəsi təşkil edib. Tədbirin əsas təşkilatçıları GV MEDİCAL və GLOBAL BUSINESS PLATFORM komandaları olub.

Sonxeber.az xəbər verir ki, İftar süfrəsinin davamında GİK HOLDİNG, İMS MAKİNA və TUR&MON şirkətlərinin rəhbərləri qonaqları ölkədəki yeni planları və strateji təşəbbüsləri ilə tanış ediblər.

Tədbir çərçivəsində YUCHAI ROTARY DRİLLİNG RİG (ÇİN) şirkətinin tikinti avadanlıqlarının Azərbaycanda rəsmi nümayəndəliyi və distribyutorluğu təqdim olunub. Qeyd edək ki, GİK HOLDİNG (Azərbaycan), İMS MAKİNA (Türkiyə) və TUR&MON (Türkiyə) bu şirkətin Azərbaycandakı tərəfdaşlarıdır.
Qonaqlar qarşısında Çin-dən gələn mütəxəssislər çıxış edərək, avadanlıqların xüsusiyyətləri və tətbiq sahələri barədə ətraflı məlumat veriblər. Təqdimat zamanı iştirakçılar birbaşa sual verərək texnologiya və əməkdaşlıq imkanlarını müzakirə ediblər.

Beləliklə, dostluq və əməkdaşlıq ruhunda keçirilən təqdimat uğurla yekunlaşıb, tədbir iştirakçılar üçün həm informativ, həm də sosial baxımdan faydalı olub.

Telegramda izləyin