Çəkiliş üçün çəhrayı rəngə boydaılan fil öldü: Dünya ayağa qalxdı! - VİDEO

Hindistanda çəhrayı rəngə boyanan filin ölümü narazılıq doğurdu

Hindistanda foto çəkilişi üçün çəhrayı rəngə boyanan filin qısa müddət sonra ölməsi böyük ictimai narazılığa səbəb olub.

Sonxeber.az xarici mediaya istinadən xəbər verir ki, Asiya fili növünə aid 65 yaşlı "Chanchal" adlı fil Jaipur şəhərində keçirilən fotosessiya zamanı çəhrayı rəngə boyanıb. Rusiyalı fotoqraf Julia Buruleva tərəfindən çəkilən kadrlarda eyni rəngə boyanmış model filin üzərində poz verib. Sözügedən görüntülər ilk olaraq dekabr ayında yayılsa da, son günlər yenidən gündəmə gəlib.

Heyvan hüquqları müdafiəçiləri çəkilişin fil üzərində stress yaratdığını bildirərək bunu "sənət yox, istismar" kimi qiymətləndiriblər. Onlar heyvanın boyanmasının etik olmadığını vurğulayıblar.

Fotoqraf isə açıqlamasında istifadə edilən boyanın təbii və zərərsiz olduğunu, prosesin qısa müddətdə başa çatdığını və sonradan tam təmizləndiyini bildirib. Onun sözlərinə görə, çəkiliş fil baxıcısının nəzarəti altında aparılıb və heyvan sakit vəziyyətdə olub.

Filin sahibi Shadik Khan isə çəkilişin təxminən 10 dəqiqə davam etdiyini, "kaccha gulal" adlı təbii boyadan istifadə olunduğunu və prosesdən sonra filin yuyulduğunu qeyd edib. O, həmçinin Chanchalın fevral ayında yaşlılıq səbəbindən öldüyünü açıqlayıb.

Hadisə ilə bağlı səlahiyyətli qurumlar çəkiliş üçün lazımi icazələrin alınıb-alınmadığını və heyvan rifahı qaydalarına əməl olunub-olunmadığını araşdırır. Heyvan hüquqları təşkilatları isə Hindistanda turizm məqsədilə istifadə olunan fillərlə bağlı daha sərt qanunların tətbiq edilməsinin vacibliyini vurğulayır.

Telegramda izləyin