Övladlığa götürdükləri uşağa işgəncə iddiası: cütlük saxlanıldı

Florida ştatında bir yanğınsöndürmə leytenantı və onun həyat yoldaşı övladlığa götürdükləri 12 yaşlı qıza uzun müddət ərzində işgəncə verməkdə ittiham olunaraq saxlanılıb.

Sonxeber.az türk mediasına istinadən xəbərverir ki, ilkin məlumatlara görə, uşaq mütəmadi olaraq otağa kilidlənib, onun tualetə getməsinə icazə verilməyib və müxtəlif məişət işlərini görməyə məcbur edilib. Bildirilir ki, azyaşlıya qarşı psixoloji və fiziki təzyiq göstərilib.

Hadisə uşağın təhsil aldığı məktəbdə vəziyyətin diqqət çəkməsi nəticəsində üzə çıxıb. Məktəb rəhbərliyi tərəfindən müvafiq qurumlara məlumat verildikdən sonra araşdırmalara başlanılıb.

Hazırda cütlük barəsində istismar və zorakılıq maddələri ilə cinayət işi açılıb. Hüquq-mühafizə orqanları faktla bağlı istintaq tədbirlərini davam etdirir.

Mütəxəssislər bildirir ki, bu cür halların vaxtında aşkarlanmasında təhsil müəssisələrinin rolu mühüm əhəmiyyət daşıyır.

Telegramda izləyin