Məşhur müğənni aldığı mükafatı səhnədə sındırdı - VİDEO

Türk pop musiqisinin tanınmış siması Hande Yener qatıldığı mükafat mərasimində həm fərqli geyimi, həm də yaşadığı xoşagəlməz hadisə ilə gündəmə gəlib.

Sonxeber.az xarici mediaya istinadən xəbər verir ki, mərasimə qeyri-adi kostyumu ilə qatılan sənətçi gecə boyu diqqət mərkəzində olub. Mükafat almaq üçün səhnəyə çıxan Yener sevincini izləyicilərlə bölüşərkən gözlənilməz hadisə baş verib.

Belə ki, tamaşaçıları salamladığı anda əlindəki mükafatı ehtiyatsızlıqdan yerə salan sənətçinin mükafatı parçalanıb. Qısa müddətlik çaşqınlıq yaşayan Yener buna baxmayaraq soyuqqanlı davranaraq vəziyyəti təbəssümlə qarşılayıb.

Baş verən bu maraqlı və bir qədər də uğursuz anlar gecəyə damğa vuraraq iştirakçılar tərəfindən uzun müddət müzakirə olunub.

Telegramda izləyin